بازاروں کی رونقیں بحال۔!!!

0 111

اسلام آباد (ویب ڈیسک)حکومت پنجاب نے عید سے قبل صوبے میں کاروباری سرگرمیوں کو بڑھانے کی اجازت دینے کا فیصلہ کر لیا ہے ۔ تفصیلات کے مطابق نجی ٹی وی چینل نے اپنی رپورٹ میں دعویٰ کرتے ہوئے کہا ہے کہ پنجاب حکومت نے فیصلہ کیا ہے کہ صوبے میں کاروباری سرگرمیوںمیں نرمی برتی جائے گی ۔ ذرائع نے کہا ہے کہ حفاظتی انتظامات کی یقینی کے بعد مارکیٹس کھولنے کی اجازت دی جائے گی ۔ جبکہ صوبہ بھر سے تاجر برادری حکومت پر مسلسل دبائو ڈال رہی ہے کہ انہیں کاروباری سرگرمیوں کی اجازت دی جائے ۔ دوسری طرف ترجمان پنجاب حکومت مسرت جمشید چیمہ نے کہا ہے کہ کرپشن کی سیاسی پارٹنر پیپلز پارٹی اور مسلم لیگ(ن) اپنی ڈوبتی سیاسی نائو کو بچانے کیلئے حکومت کے خلاف منفی پراپیگنڈے میں مصروف ہیں ،انشا اللہ یہ کڑ ا وقت بھی گزر جائے گا لیکن قوم شہباز شریف اور بلاول بھٹو کے منفی کردار کو یاد رکھے گی اور وقت آنے پر ان کا محاسبہ بھی کیا جائے گا ،صوبے میں آج سے یومیہ 6ہزار ٹیسٹ کئے جائیں گے جس کی تعداد میں بتدریج اضافہ کیا جائے گا ،عام آبادی میں وائرس کا پھیلائو روکنے کیلئے رینڈم ٹیسٹنگ کا آغاز بھی ہو رہا ہے ۔ ان خیالات کا اظہار انہوںنے میڈیا کیلئے جاری اپنے بیان میں کیا ۔ ترجمان پنجاب حکومت مسرت جمشید چیمہ نے کہا کہ وزیر اعظم عمران خان اور وزیر اعلیٰ سردار عثمان بزدار نے نیک نیتی سے کی گئی محنت سے ماضی کے نام نہاد تجربہ کار وں کو کارکردگی کے میدان میں پچھاڑ دیا ہے اس لئے ان کی راتوں کی نیندیں بھی اڑی ہوئی ہیں۔ سندھ میں بسنے والے بھی ہمارے بہن بھائی ہیں اور ہماری دعا ہے کہ پورے ملک میں کورونا وباء کاجلد سے جلد خاتمہ ہو۔ سندھ میں اس آفت میں بھی کرپشن کی ہوشربا داستانیں سامنے آرہی ہیں جس پر ہر شخص پریشان ہے ۔ انہوں نے کہا کہ عوام یہ خیال کر رہے تھے کہ بلاول زرداری قرنطینہ سے باہر آنے کے بعد کورونا وائرس کی وجہ سے ملک کو درپیش مسائل کے حل کے حوالے سے مثبت تجاویز پیش کریں گے لیکن وہ اپنی پوری پریس کانفرنس میں اپنی ناکامیوں کا ماتم کرتے ہوئے اس کا ملبہ وفاقی حکومت پر ڈالتے ہوئے نظر آئے ۔ انہوں نے کہا کہ مسلم لیگ(ن)ا ور پیپلز پارٹی یہ بات اپنے پلے باندھ لیں کہ اب ان کا منفی پراپیگنڈے کی سیاست سے گزر بسر نہیں ہوگا بلکہ انہیں عمران خان کے سیاست میں متعارف کرائے گئے معیار کو اپنانا پڑے گا۔

Facebook Comments