باجوڑ بار میں محسن داوڑ کو تقریر سے روک دیا گیا

0 158

باجوڑ: پشتون تحفظ موومنٹ (پی ٹی ایم) کے مرکزی رہنما اور رکن قومی اسمبلی محسن داوڑ کو باجوڑ میں تقریر سے روک دیا گیا۔

باجوڑ بار ایسوسی ایشن کی تقریب حلف برداری شدید بدنظمی کا شکار ہوگئی۔ وکلا کی حلف برداری میں محسن داوڑ مہمان مدعو تھے، وہ جیسے ہی اسٹیج پہنچے تو سیاسی جماعت کے کارکنوں نے ہنگامہ آرائی شروع کردی اور انہیں خطاب سے روک دیا۔

اس موقع پر سیاسی کارکنان آپس میں گتھم گتھا ہوگئے اور ہاتھا پائی ہوئی۔ ایک دوسرے پر تھپڑوں اور گھونسوں کی بارش کی گئی اور کرسیاں چل گئیں۔ ہنگامہ آرائی پر محسن داوڑ اسٹیج چھوڑ کر چلے گئے اور پروگرام شدید بدنظمی کا شکار ہوگیا۔

Facebook Comments