پشاور کے اسکول میں رات کو رقص کی محفل پر نوٹس، ہیڈماسٹر اور چوکیدار معطل

0 183

پشاور: پشاور کے پرائمری اسکول میں رات کو رقص و سرود کی محفل پر صوبائی وزیر تعلیم کے سخت نوٹس پر ڈسٹرکٹ ایجوکیشن آفیسر پشاور نے اسکول کے ہیڈ ماسٹر اور چوکیدار کو معطل کردیا۔

پشاور کے نواحی علاقے متھرا سرکل کے گورنمنٹ پرائمری اسکول قلعہ چندن میں گزشتہ رات رقص و سرود کی محفل سجائی گئی جس کی ویڈیو منظر عام پر آنے کے بعد صوبائی وزیر تعلیم شہرام خان ترکی نے اسکولوں میں اس قسم کی محافل کا سختی سے نوٹس لے کر ذمہ داروں کے خلاف کارروائی کرنے کی ہدایت جاری کی۔

صوبائی وزیر تعلیم کے نوٹس پر ڈسٹرکٹ ایجوکیشن آفیسر پشاور نے اسکول کے چوکیدار اور ہیڈ ماسٹر کو فوری طور پر معطل کرنے کا اعلامیہ جاری کرکے گورنمنٹ ہائر سیکنڈری اسکول سفید سنگ کے پرنسپل کو 3 روز کے اندر انکوائری مکمل کر کے رپورٹ پیش کرنے کی ہدایت کردی۔

Facebook Comments