منگیتر کے انکار پر دلہا نے اکیلے ہی شادی کرلی، تصاویر وائرل

0 76

برازیلیا: برازیل میں دلہا نے عین شادی سے چند روز قبل منگیتر کی جانب سے انکار پر تقریب منسوخ کرنے کے بجائے اکیلے ہی شادی کرلی۔ 

عالمی خبر رساں ادارے کے مطابق برازیل میں ڈاکٹر ڈیوگو رابیلو اور وائٹور بیونو کی گزشتہ برس نومبر میں منگنی ہوئی تھی اور اس برس شادی تھی تاہم منگنی کے بعد دونوں کے درمیان جھگڑے ہوتے رہے یہاں تک کہ شادی کی تقریب کے لیے مقام و طعام مقرر ہونے کے بعد منگیتر نے شادی سے انکار کردیا۔

groom marriage without bride 3

دلہن کی جانب سے شادی سے انکار پر دل برداشتہ دلہا نے غم کی تصویر بننے کے بجائے شادی کی تقریب بغیر دلہن کے ہی منعقد کرنے کی ٹھانی اور کورونا کے باعث محض 40 مہمانوں پر مشتمل تقریب ساحل پر منعقد کی۔

اس تقریب کی خاص بات یہ رہی کہ مہمانوں نے اکیلے دلہا کو مبارک بادیں دیں اور تحائف بھی پیش کیے۔ دلہا کا مہمانوں کے ساتھ فوٹو سیشن بھی ہوا اور مزیدار پکوانوں سے مہمانوں کی تواضع بھی کی گئی۔

groom marriage without bride 2

دلہا ڈاکٹر ڈیوگو نے دلہن کے بغیر شادی کی تقریب کی تصاویر انسٹاگرام پر شیئر کرتے ہوئے اس دن کو اپنی زندگی کا خوش گوار ترین دن قرار دیا۔

groom marriage without bride brazil

دنیا کے اس انوکھے دلہا نے مزید لکھا کہ میں نے ایک غمگین صورت حال کو مزاح میں بدل دیا اور آج میں خوش ہوں کیوں کہ میں ان کے ساتھ ہوں جنہیں میں بہت پیار کرتا ہوں۔

Facebook Comments