دکھی انسانیت کی خدمت میرا مشن،مستحق افراد کی امداد کا سلسلہ جاری رکھوں گا۔سینیٹر محمد طلحہ محمود

0 142

ہری پور (بیورو رپورٹ ):محمد طلحہ محمود فاؤنڈیشن کے زیر اہتمام صوبہ خیبرپختونخوا کے ضلع ہری پور کی دو یونین کونسل ( کوٹ نجیب اللہ، ڈنگی) کے بیسیوں مستحق خاندانوں میں جہیز پیکج کی تقسیم
عوامی حلقوں کا سینیٹر محمد طلحہ محمود کی کاوشوں کو بھرپورخراج تحسین
تفصیلات کے مطابق بروز ہفتہ ماڈل سٹی جی ٹی روڈ سرائے گدائی میں محمد طلحہ محمود فاؤنڈیشن کی طرف سے مستحق خاندانوں کیلئے جہیز پیکج کا اہتمام کیا گیا
جس میں بطور مہمان خصوصی ( چیئرمین محمد طلحہ محمود فاؤنڈیشن) سینیٹر محمد طلحہ محمود اور محمد شمعروز بن طلحہ نے خصوصی شرکت کی ، اور سامان کے ساتھ ساتھ نقد رقوم بھی تقسیم کیں۔
محمد طلحہ محمود فاؤنڈیشن اس سے قبل بھی ضلع ہری پور کی مختلف یونین کونسلوں میں جہیز کی تقسیم کرچکی ہے اور مرحلہ وار یہ سلسلہ آگے بڑھ رہا ہے جسے عوامی سطح پر نہایت پزیرائی حاصل ہورہی ہے۔
واضح رہے کہ محمود طلحہ محمود فاؤنڈیشن ضلع ہری پور میں اس سے قبل بھی تعلیم، صحت، خوراک سمیت دیگر متعدد منصوبوں پر کام کررہی ہے جس کی بدولت ضلع بھر میں ایک نمایاں تبدیلی رونما ہوئی ہے اور کئی خاندان ان منصوبوں سے مستفید ہورہے ہیں
تقریب سے خطاب کرتے ہوئے سینیٹر محمد طلحہ محمود کا کہنا تھا کہ دکھی انسانیت کی خدمت سے دلی سکون ملتا ہے، اس مہنگائی اور مشکلات کے دور میں ہمیں اردگرد بسنے والے کمزور طبقات کو خیال رکھنا ہوگا اور مل جل کران مسائل کے خاتمے کیلئے کردار ادا کرنا ہوگا،مزید انکا کہنا تھا کہ خدمت خلق کا یہ سلسلہ انشاءاللہ آئندہ بھی جاری رہے گا
پروگرام سےعلاقہ کی سماجی شخصیت سردار ممتاز ،نزاکت حسین شاہ، ودیگر نے بھی خطاب کیا اور محمد طلحہ محمود فاؤنڈیشن کے خدمات کو سراہا
٭٭٭٭٭٭٭٭٭٭٭٭٭٭

Facebook Comments