توہین مذہب ملزم قتل کیس؛ حملہ آور کو پستول دینے والے وکیل کا جوڈیشل ریمانڈ

0 105

پشاور کی عدالت میں توہین مذہب کے ملزم کو قتل کرنے والے نوجوان کو پستول دینے والے وکیل کو جیل بھیج دیا گیا۔

پولیس نے پشاور کی مقامی عدالت میں ملزم فیصل عرف خالد کو پستول دینے والے وکیل کو پیش کیا۔ جونئیر وکیل طفیل ضیاء کو مجسٹریٹ جج ریاض کی عدالت میں پیش کیا گیا۔

عدالت نے ملزم طفیل ضیاء کو جوڈیشل ریمانڈ پر جیل بھیج دیا۔ وکیل طفیل کو پستول دینے کے الزام میں تین دن قبل گرفتار کیا گیا تھا۔

طاہر نسیم کو قتل کرنے والا ملزم فیصل عرف خالد بھی جوڈیشل ریمانڈ پر جیل ہے۔ ملزم فیصل عرف خالد نے 29 جولائی کو کمرہ عدالت میں جج کے سامنے 57 سالہ طاہر نسیم کو قتل کیا تھا جس پر توہین مذہب کا الزام تھا۔

طاہر نسیم امریکی شہری تھا اور امریکی حکومت نے اپنے شہری کے قتل پر پاکستان پر زور دیا ہے کہ ملزم کے خلاف کارروائی کی جائے۔

Facebook Comments